Ilalabas umano ng Movie and Television Review and Classification Board (MTRCB) ngayong linggo ang desisyon nito sa apela ng "It's Showtime" matapos ang pagpataw ng ahensya ng 12 airing days sa noontime show.

Ibinahagi ito ni Atty. Paulino Cases, chairperson ng Hearing and Adjudication Committee ng MTRCB, sa isinagawang pagdinig ng senado para sa proposed 2024 budget ng MTRCB nitong Miyerkules, Setyembre 27.

“They filed a motion for reconsideration, which is their right to do so within 15 days from receipt of the decision of the board. And it is forthcoming,” ani Cases na pinatutungkulan ang pag-apela ng ABS-CBN at It’s Showtime.

“When are you going to decide on it?” tanong ni Jinggoy.

National

#WalangPasok: Class suspensions ngayong Biyernes, Sept. 20

“It’s forthcoming within the week,” sagot naman ni Cases.

Nang tanungin naman ni Jinggoy kung ano ang desisyon nila, tila pabirong sumagot si MTRCB chair Lala Sotto ng: “Mr. chair, I’ll tell you later.”

Muli ring iginiit ni Lala na hindi siya sumali o nakialam sa botohan ng MTRCB board hinggil sa naturang pagpataw ng suspensiyon sa It’s Showtime.

“We gave them a 15-day period for them to be able to file their motion for reconsideration because we wanted to give them the chance to cooperate with us, to enter into a dialogue, at least, or to coordinate, but that did not happen, and we also wanted to give them due process,” saad pa ng MTRCB chair.

Matatandaang nagpataw ang MTRCB kamakailan ng 12 airing days suspension sa It’s Showtime dahil umano sa mga natanggap nilang reklamo kaugnay sa pagkain nina Vice Ganda at Ion Perez ng icing ng cake sa segment na “Isip Bata” noong Hulyo.

MAKI-BALITA: It’s Showtime, sinuspinde ng 12 airing days ng MTRCB

Ilang araw matapos iaununsyo ng MTRCB desisyon, inihayag naman ng ABS-CBN at It’s Showtime na maghahain sila ng motion for reconsideration dahil naniniwala raw silang wala silang nilabag na batas.