Inaasahang makararanas ng mga kalat-kalat na pag-ulan ang malaking bahagi ng bansa dahil sa southwest monsoon o habagat at sa trough ng low pressure area (LPA) na namataan sa labas ng Philippine area of responsibility (PAR), ayon sa Philippine Atmospheric, Geophysical and Astronomical Services Administration (PAGASA) nitong Lunes, Setyembre 25.

Sa tala ng PAGASA dakong 4:00 ng madaling araw, malaki ang tsansang magkaroon ng maulap na kalangitan na may kalat-kalat na pag-ulan at thunderstorms sa MIMAROPA, Western Visayas, Central Visayas, Zambales, Bataan, Cavite, at Batangas dulot ng habagat.

National
VP Sara sa mababang boto ng Alyansa senatorial bets: ‘It's because of the President!’

VP Sara sa mababang boto ng Alyansa senatorial bets: ‘It's because of the President!’

Maulap na kalangitan na may kasamang kalat-kalat na pag-ulan at thunderstorms din ang posibleng maranasan sa Eastern Visayas at Masbate bunsod naman ng trough ng LPA.

Maaari umano ang pagbaha o pagguho ng lupa sa mga nasabing lugar bunsod ng posibleng malakas na pag-ulan.

Samantala, may tsansang makaranas ng bahagyang maulap hanggang sa maulap na may kasamang isolated rainshowers o thunderstorms sa Metro Manila at mga natitirang bahagi ng bansa dahil sa localized thunderstorms.

Posible rin umano ang pagbaha o pagguho ng lupa tuwing magkakaroon ng malalakas na thunderstorms.