Apektado ng red tide ang ilang coastal areas sa Visayas at Mindanao, ayon sa pahayag ng Bureau of Fisheries and Aquatic Resources (BFAR).
Sa abiso ng BFAR, kabilang sa nagpositibo sa red tide ang Sapian Bay sa sumasaklaw sa Ivisan at Sapian sa Capiz at Mambuquiao, Camanci, at Batan naman sa Aklan; coastal waters ng Panay; Pilar; President Roxas; at Roxas City in Capiz; coastal waters ng Gigantes Islands, Carles sa Iloilo, Dauis at Tagbilaran City sa Bohol; at Dumanquillas Bay sa Zamboanga del Sur.
Probinsya
Catanduanes, niyanig ng magnitude 6.1 na lindol
Binalaan ng ahensya ang publiko na huwag na munang humango, magtinda o kumain ng shellfish sa ilang lugar ng Visayas at Mindanao dahil na rin sa taglay na paralytic shellfish poison o toxic red tide.
"All types of shellfish and Acetes sp. or alamang gathered from (these areas) are not safe for human consumption,” ayon sa BFAR.
Gayunman, sinabi ng BFAR na ligtas namang kainin ang mga nahuhuling isda, pusit at alimango sa mga nasabing lugar at dapat na linisin nang husto bago lutuin.
