Naging mainit ang pagtanggap ng mga overseas Filipino worker (OFW) sa pagbisita ni Pangulong Ferdinand Marcos, Jr. sa isang shopping mall sa Singapore nitong Linggo.
National
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
Sa unang bahagi ng video, makikitang tumatawid ang Pangulo sa Orchard Road at hindi kaagad napansin ng mga OFW na nakasabay nito sa paglalakad patungo sa katabing Lucky Plaza Mall.
Hanggang sa isa-isang nilalapitan ng mga Pinoy worker na nakapansin sa kanyang pagdating sa naturang mall.
“Happy po kami, happy po kami dahil nakita po namin ang presidente namin nang personal,” banggit ng isa sa OFW.
“Sana magtuloy-tuloy pa ang pagbabago ng Pilipinas. We’re happy for the changes in the Philippines,” pahayag naman ng isa pang Pinoy.
“Good luck and ingat palagi ang we’re hoping that our country be very successful country that we have,” pahabol naman ng isa pang OFW.
Dumalo ang Pangulo sa Milken Institute’s Asia Summit in Singapore kung saan nito tinalakay ang mga prayoridad na polisiya at programa sa mga economic manager at business leader.
Nakakuha na si Marcos ng ₱11 bilyong halaga ng investment pledge mula sa Dyson, isang multinational technology company.
