Libu-libong train commuters ang nakinabang sa ipinagkaloob na libreng sakay ng Metro Rail Transit Line 3 (MRT-3) para sa mga atleta at delegado ng FIBA 2023.
Batay sa isang advisory, iniulat ng MRT-3 na kabuuang 3,342 atleta at mga delegado ng FIBA ang nakinabang sa naturang libreng sakay, na ipinagkaloob sa buong oras ng operasyon ng rail line.
50.78% examinees, pasado sa Nov. 2024 Licensure Exam for Agriculturists
Sinabi ng MRT-3 na nagpasya silang magbigay ng free rides bilang pagsuporta sa mga atletang lumahok sa patimpalak kung saan nagsilbing co-host ang Pilipinas.
Nagsimula ang libreng sakay ng MRT-3 noong Agosto 25 at nagtagal hanggang sa pagtatapos ng FIBA 2023 noong Setyembre 10.
Ang MRT-3, na bumabagtas sa kahabaan ng Epifanio delos Santos Avenue (EDSA), ang siyang nagdudugtong sa North Avenue, Quezon City hanggang sa Taft Avenue, Pasay City.
