Kasado na sa darating sa Setyembre 30 ang face-to-face mass oathtaking para sa mga bagong professional mechanical engineers, mechanical engineers, at certified plant mechanics ng bansa, ayon sa Professional Regulation Commission (PRC) nitong Lunes, Setyembre 11.
Ayon sa PRC, magaganap ang naturang in-person oathtaking dakong 1:00 ng hapon sa Plenary Hall, Philippine International Convention Center sa Roxas Boulevard, Pasay City.
“All successful examinees interested in attending the face-to-face mass oathtaking shall register no later than 12:00 NN of the day prior to the date of the oathtaking at http://online.prc.gov.ph to confirm their attendance,” anang PRC.
“Inductees are required to PRINT the Oath Form with their own generated QR. This will be submitted during the oathtaking in order to be tagged as ‘attended’,” dagdag nito.
De Lima aprub sa alok ni Romualdez, maging prosecutor sa impeachment ni VP Sara
Inabisuhan din ng Komisyon ang mga lalahok sa in-person oathtaking na dalhin ang kanilang vaccination card o ang kanilang negative RT-PCR results na kinuha sa loob ng 48 oras bago ang oathtaking.
Para naman sa mga hindi makakadalo sa nakatakdang face-to-face mass oathtaking, maaari pa rin umano silang dumalo sa pamamagitan ng isasagawang online oathtaking o mag-request ng isang special oathtaking.
Iaanunsyo umano ng PRC ang schedule ng online oathtaking kapag nakumpirma na ito.
“After the oathtaking, inductees shall proceed with their Initial Registration by securing an online appointment at http://online.prc.gov.ph,” saad din ng PRC.
“For more information on the oathtaking proper, you may contact the oathtaking organizers (thru SMS/Viber) at 0905-429-8533, Mondays to Fridays from 9:00 AM to 4:00 PM., or proceed to Room 315, 3rd Floor Don Lorenzo Building, 889 P. Paredes St., Sampaloc, Manila,” dagdag pa nito.
