DOTr, may paalala: Bomb jokes, bawal din sa lahat ng uri ng transportasyon

By Mary Ann Santiago

September 11, 2023

In BALITA

Mahigpit ding ipinagbabawal ang mga bomb jokes, hindi lamang sa air travel o sa pagsakay sa eroplano, kundi maging sa lahat ng uri ng transportasyon sa bansa.

Mismong si Department of Transportation (DOTr) Secretary Jaime Bautista ang nagpaalala nito sa publiko nitong Lunes, matapos na bulabugin ng bomb threat ang Metro Rail Transit Line 3 (MRT-3) noong Biyernes.

Maki-Balita: MRT-3, binulabog ng bomb threat

Sa isang panayam sa radyo, binigyang-diin ni Bautista na ang pagbabawal sa bomb jokes ay hindi lamang limitado sa pagbiyahe sa himpapawid, kundi maging sa lahat ng uri ng transportasyon.

Kasabay nito, nanawagan rin siya sa publiko na huwag gawing biro ang bomb threat.

Babala pa niya, ito ay may katapat na parusang pagkabilanggo at multa.

“Ito pong parusa na ito, hindi lang sa eroplano, sa lahat ng mode of transport,” aniya pa.

Dagdag pa ni Bautista, "Kaya tinatawagan natin ang ating mga kababayan na wag po nilang gawing biro yung mga bomb threat. Pag sila ay napatunayang nagkasala ay may bilanggo po yan at meron pa hong fine."

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...