Tampok ang selfie ni Drag Artist Pura Luka Vega sa kaniyang Instagram post nitong Biyernes, Setyembre 8, kung saan nagsisilbing background ang opisina ng Department of Justice.

Muling binigyang-diin ni Pura sa nasabing post na hindi umano krimen ang drag.

“Let me state and reiterate that Drag is NOT a crime. This experience has highlighted hypocrisy and is an education on hate. This is hate. We are facing these charges in the hopes of upholding the freedom of expression for ALL,” pahayag ni Pura.

Pura Luka Vega, humingi ng tulong pinansiyal para sa gagastusin sa korte

Dagdag pa niya, hindi raw dapat kinakasangkapan ang batas para apihin ang minoryang gaya niya na isinasagawa lamang ang tinatawag niyang “unique cultural practices”.

Sa huli, binati pa ni Pura si Mama Mary.

“Happy birthday Mama Mary! ❤️ Might have some drinks later. Yun lang. 🤗✨”

View this post on Instagram

A post shared by My Name is...Luka (@puralukavega)

Matatandaang humingi kamakailan si Pura ng tulong pinansiyal para umano sa magiging gagastusin niya sa pagdinig sa korte bagama’t wala siyang binanggit na rason kung bakit siya haharap doon. Pero kamakailan ay sinampahan siya ng kaso ng mga alagad ng simbahan. 

Bukod pa riyan, mahigit 20 na ang lungsod at lalawigang nagdedeklara ng persona non grata laban sa kaniya kabilang na ang Capiz, Lungsod ng Maynila, Palawan, Oriental Mindoro, Marikina City, Marinduque, Batangay City, Bohol, Talisay, Madaue City, Cebu City, Lucena, at iba pa.