Nasa 232 small rice retailers sa Metro Manila ang tumanggap ng ayuda ng gobyerno matapos silang maapektuhan ng ipinatutupad na price ceiling, ayon sa pahayag ng Malacañang nitong Sabado.
Tumanggap ng tig-₱15,000 cash assistance ang mga ito sa ilalim ng Sustainable Livelihood Program (SLP) ng Department of Social Welfare and Development (DSWD).
Kabilang sa nakinabang sa unang araw ng implementasyon ng programa ang 48 na taga-Quezon City, gayundin sa Caloocan City at 136 naman sa San Juan City.
“Upon the instruction of President Ferdinand R. Marcos Jr., the government started today the distribution of the PHP15,000 cash grant to qualified small rice retailers affected by the implementation of the mandated rice price ceilings nationwide,” ayon naman sa pahayag ni Communications Secretary Cheloy Garafil.
