Iniutos ng Land Transportation Office (LTO) nitong Huwebes na paigtingin pa ang kampanya laban sa mga colorum o hindi rehistradong paggamit ng public utility vehicle (PUV).
Sa Facebook post ni LTO chief Vigor Mendoza II, partikular na inatasan nito ang lahat ng regional director ng ahensya kasunod na rin ng pakikipagpulong nito kay Department of Transportation (DOTr) Secretary Jaime Bautista.
"This has long been a problem that requires attention and sustained operations to ensure that only those granted with permits could operate,” ani Mendoza.
National
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
“I am directing regional and district offices of the LTO to heighten measures and operations against these out-of-line public utility vehicles. Dapat masuyod at tuluyang masawata ang operasyon ng mga colorum na ito sa inyong mga lugar na nasasakupan," sabi pa ni Mendoza.
Bukod sa dalang panganib sa mga pasahero, apektado rin ng operasyon ng colorum ang kita ng mga lehitimong driver ng PUV.'
“Hindi basta-basta ang kalaban na ating susugpuin dahil sanga-sanga na ang kanilang operasyon kaya’t kailangan na natin ng tulong ng ibang ahensya," dagdag pa ni Mendoza.
