'Mahaba 'to!' 'Double meaning' daw na hirit sa E.A.T. sinita sa socmed-Balita

Kasabay ng mainit na usapan hinggil sa isyu ng suspension ng Movie and Television Review and Classification Board o MTRCB sa "It's Showtime," agad na nakapukaw ng atensyon sa mga netizen ang nasambit na salita ng isang lalaking kinakapanayam nina Allan K at Miles Ocampo sa noontime show na "E.A.T" para sa "Vortas 5."

Tinanong kasi ni Allan K kung ano ang pinagkakaabalahan ng isa sa dalawang "Vortas." Aniya, siya raw ay dating elementary teacher.

Maririnig naman ang hiyawan sa audience area ng studio.

"Magaling sa bata 'to," sabi ni Miles.

"Mapagpasensya. Mahaba ang pasensya," sabi naman ni Allan K.

"Opo mahaba 'to," sabi naman ng lalaki.

Kapansin-pansin ang tila saglit at "awkward" na katahimikan, hanggang sa kumambyo agad ang hosts. Ipinagdiinan agad ni Allan na pasensya ang tinutukoy niya sabay hampas sa braso ng lalaki.

"Mahaba ang pasensya siyempre bata 'yon..." sansala kaagad ni Miles.

Mapapansin naman na napahawak sa kaniyang bibig ang lalaki at tila may tinitingnang nanaway sa kaniya.

Usap-usapan na ito ngayon sa X lalo't mapagmatyag ang mga netizen sa nangyayari sa noontime shows. Kaagad na ibinahagi ang clip ng isang X account na nagngangalang "Anima Cristi Fermin."

“'Mahaba to' Walang malisya yan. Pwede sa mga jugets na nanonood. Lala at MTRCB walang makitang double meaning!" mababasa sa caption.

https://twitter.com/altcristifermin/status/1699276728445902906

Matatandaang inaakusahang "biased" daw ang naging 12 airing days suspension na ipinataw ng MTRCB sa Showtime gayong wala raw ipinataw sa "E.A.T." kung saan kabilang sa host ang amang si dating Senate President Tito Sotto III.

Subalit naglabas ng opisyal na pahayag ang MTRCB upang linawing dumaan sa due process ang naging desisyon ng ahensya patungkol sa noontime program. sa katunayan daw, hindi umano bumoto rito si MTRCB Chairman Lala Sotto.

MAKI-BALITA: ‘Due process’ ng MTRCB sa suspension ng It’s Showtime, idinetalye

Matatandaang bukod sa Showtime ay nasita na rin ng MTRCB ang E.A.T. dahil sa nasambit na pagmumura ng host na si Wally Bayola habang isinasagawa ang "Sugod Bahay" segment.

MAKI-BALITA: E.A.T ipinatawag ng MTRCB dahil sa pagmumura ni Wally Bayola

Samantala, wala pang tugon, reaksiyon, o pahayag ang pamunuan ng E.A.T., ng TV5, o ng MTRCB tungkol dito. Bukas ang Balita sa kanilang panig.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...