Niyanig ng magnitude 4.5 na lindol ang probinsya ng Antique nitong Martes ng gabi, Agosto 29, ayon sa Philippine Institute of Volcanology and Seismology (Phivolcs).
Sa tala ng Phivolcs, nangyari ang lindol na tectonic ang pinagmulan dakong 9:17 ng gabi.
Namataan ang epicenter nito 21 kilometro ang layo sa timog-kanluran ng Anini-y, Antique, na may lalim na 36 kilometro.
Naramdaman ang Intensity III sa San Jose de Buenavista, Antique.
National
VP Sara sinabing si Romualdez ang gustong pumatay sa kaniya
Naitala naman ang Instrumental Intensites sa mga sumusunod na lugar:
Intensity III - Anini-y, Antique
Intensity II - San Jose de Buenavista, Antique
Intensity I - Valderrama, Antique; City of Sipalay, Negros Occidental
Wala namang inaasahan ang Phivolcs na posibleng aftershocks ng lindol.
Hindi rin umano inaasahang magdudulot ng pinsala ang nasabing pagyanig.
