Santa Ana, Cagayan, itinaas sa Signal No. 1 dahil sa bagyong Goring

By MJ Salcedo

August 25, 2023

In BALITA

Itinaas na sa Signal No. 1 ang Santa Ana, Cagayan dahil sa bagyong Goring, ayon sa Philippine Atmospheric, Geophysical and Astronomical Services Administration (PAGASA) nitong Huwebes ng gabi, Agosto 24.

Sa tala ng PAGASA kaninang 11:00 ng gabi, huling namataan ang sentro ng Tropical Storm Goring 235 kilometro ang layo sa silangan ng Basco, Batanes, na may maximum sustained winds na aabot sa 65 kilometers per hour malapit sa sentro at pagbugsong 80 kilometers per hour.

Mabagal itong kumikilos pa-westward.

Base sa forecast track ng PAGASA, posible pang lumakas ang bagyo at itaas sa typhoon category sa Sabado, Agosto 26.

Samantala, inihayag din ng PAGASA na inaasahang palalakasin ng bagyo ang southwest monsoon o habagat na magdadala rin ng occasional rains sa kanlurang bahagi ng Central at Southern Luzon simula nitong Biyernes, Agosto 25, at sa hilagang bahagi ng Visayas simula sa Sabado.

VP Sara sa mga manggagawa: ‘Nawa’y manatili tayong matatag para sa tunay na kaunlaran’

Binigyang-pugay ni Vice President Sara Duterte ang mga manggagawang Pilipino ngayong Labor Day, Mayo 1, at hiniling na nawa’y manatili silang “matatag, matiyaga, at mapagpursige” para sa tunay na kaunlaran at makabuluhang pagbabago sa bansa.Sa isang video message, ipinaabot ni Duterte ang kaniyang pagsaludo sa mga manggagawang Pilipinong patuloy na nagsusumikap upang maabot ang pag-unlad ng...

Grupo ni Teresita Ang See, kinondena pagdawit sa anak ni Anson Que bilang utak sa krimen

Naglabas ng opisyal na pahayag ang Movement for Restoration of Peace and Order (MRPO) laban sa Philippine National Police (PNP) dahil sa pagkakadawit ng anak ng negosyanteng si Anson Que, na si Alvin Que, bilang umano'y mastermind sa pagpapakidnap at pagpaslang sa kaniyang sariling ama noong Abril.Itinuro ng nahuling suspek na si David Tan Liao ang anak na Que na umano'y nasa likod ng...

PBBM, nangakong hindi pababayaan mga manggagawa

“Taimtim ang aming paninindigang kayo ay hindi pababayaan…”Ipinangako ni Pangulong Ferdinand “Bongbong” Marcos Jr. na patuloy na isusulong ng kaniyang administrasyon ang kapakanan ng mga manggagawa at sa pagbuo ng isang lipunang “patas” at “makatarungan.” Sa kaniyang mensahe sa “Labor Day” nitong Huwebes, Mayo 1, kinilala ni Marcos ang bawat hirap at pagsasakripisyo ng mga...