Tuwang-tuwa raw ang “It’s Showtime” host na si Ryan Bang nang mag-aral siya dito sa Pilipinas dahil sa dami umano ng holidays dito sa bansa.
Sa August 21 episode ng “It’s Showtime,” na saktong holiday dahil sa paggunita ng ika-40 anibersaryo ng kamatayan ni dating Senador Ninoy Aquino, itinanong ni Vhong Navarro kay Ryan kung ano ang ginagawa nito bilang estudyante sa Korea tuwing holiday.
Higit 200 pasahero sa nag-crash na Air India plane, patay; isa, nakaligtas!
“Anong ginagawa mo sa Korea kapag walang pasok o holiday?” tanong ni Vhong kay Ryan.
Sey ni Ryan, araw-araw daw may pasok ang mga estudyante sa Korea. Bibihira lang daw ang walang pasok.
“Kahit anong holiday, may pasok. 'Yung mga estudyante araw-araw may pasok sa Korea. Bihira lang walang pasok. Kaya no’ng nag-aral ako rito, ‘I love Philippines’ ang daming walang pasok. Yehey!”
Noong 2005 nagpunta si Ryan dito sa Pilipinas nang mahiwalay ang kaniyang mga magulang at nag-aral siya sa Reedley International School bago mag-aral sa De La Salle University.
Base sa Official Gazette, ngayong 2023 ay mayroong 12 regular holidays ang Pilipinas at 8 special non-working holidays.
