Bam Aquino inalala ang ‘kabayanihan’ ni Ninoy Aquino

By Nicole Therise Marcelo

August 21, 2023

In BALITA

Inalala ni dating Senador Bam Aquino ang ika-40 anibersaryo ng kamatayan ni dating Senador Benigno “Ninoy” Aquino Jr. nitong Lunes, Agosto 21.

“Ngayong August 21, ating inaalala ang tapang, pagmamahal sa bayan, at kabayanihan ni Ninoy Aquino,” saad ni Aquino sa kaniyang social media accounts.

“Ating isapuso at alalahanin ang naging tugon ng sambayanan noon sa kanya, ‘Ninoy, hindi ka nag-iisa’,” anang ng dating senador.

“Anomang hamon, bayan, #HindiKaNagiisa.”

Matatandaang Agosto 21, 1983, nang paslangin si Aquino, senador ng 7th Congress at hayagang kritiko ni dating Pangulong Ferdinand Marcos Sr., sa Manila International Airport (ngayon ay Ninoy Aquino International Airport).

Ang naturang pagpaslang sa kaniya ang kalauna’y nagbunsod sa makasaysayang EDSA People Power Revolution noong 1986 at nagpabalik ng demokrasya ng Pilipinas.

MAKI-BALITA: Agosto Biente Uno: Ang pagpaslang kay Ninoy Aquino

https://twitter.com/bamaquino/status/1693416695115690235

72 PDL's ng Manila City Jail, naka-enrol sa PUP Open University

Sa makasaysayang pagkakatapon, maaari nang makapagtapos sa kolehiyo at magkaroon ng degree ang 72 persons deprived of liberty (PDL's) na nasa Manila City Jail, matapos dalhin ng Polytechnic University of the Philippines (PUP) ang kanilang Open University System para sa mga mag-aaral na hindi makakapagsagawa ng physical classes.Ayon sa Facebook page ng PUP-OUS, 72 sa PDL's ng nabanggit na...

VP Sara sa running mate na Marcos kung sakaling tatakbo: 'Never again!'

Tahasan at diretsahang sinabi ni Vice President Sara Duterte na hindi na siya papayag na magkaroon ng running mate na 'Marcos' kung sakaling magdesisyon siyang kumandidato sa pagkapangulo sa 2028.Iyan ang nasabi ng pangalawang pangulo sa ambush interview ng media sa kaniya, matapos ang pagdalo sa congress hearing nitong araw ng Miyerkules, Setyembre 18.Isang media reporter kasi ang...

Speaker Romualdez, tatakbong presidente sa 2028 sey ni VP Sara

ROMUALDEZ FOR PRESIDENT?Sinabi ni Vice President Sara Duterte na tatakbo umano bilang pangulo ng bansa sa 2028 si House Speaker Martin Romualdez. Sa isang ambush interview nitong Miyerkules, Setyembre 18, ayon kay Duterte, sinabi sa kaniya ng mga kaalyado niya sa House of Representatives na pinag-uusapan umano ang tungkol sa impeachment niya at pagkandidato ni Romualdez sa 2028.“Ang sinasabi sa...