Kasado na sa darating na Agosto 25 ang online oathtaking para sa bagong Professional Electrical Engineers, Registered Electrical Engineers, at Registered Master Electricians, ayon sa Professional Regulation Commission (PRC).
Sa ulat ng PRC, magaganap ang naturang online oathtaking dakong 1:00 ng hapon.
Pangungunahan umano ito ng PRC-Cebu sa pamamagitan ng Zoom.
Pinapayuhan ang inductees na magsuot ng formal o business attire at gumamit ng puting backdrop (white physical o virtual background) sa buong seremonya ng oathtaking.
Teddy Casiño, nakasama sina Heidi Mendoza, Luke Espiritu: ‘Maybe next time’
“Please secure an online appointment schedule at http://online.prc.gov.ph and select ‘e-OATH’ as transaction,” anang PRC.
“The online registration will close five (5) calendar days before the virtual oathtaking day. Inductees are required to print the ‘OATH OF PROFESSIONAL’ form downloadable from the PRC official website under PRC Online Services,” dagdag nito.
Inabisuhan din ng PRC ang inductees na bisitahin ang kanilang website link para sa step-by-step procedure ng online oathtaking application system, maging ang link para sa kanilang registration at ceremony protocols.
