Niyanig ng magnitude 4.7 na lindol ang probinsya ng Sorsogon nitong Sabado ng madaling araw, Agosto 19, ayon sa Philippine Institute of Volcanology and Seismology (Phivolcs).

Sa tala ng Phivolcs, nangyari ang lindol na tectonic ang pinagmulan dakong 2:35 ng madaling araw.

Namataan ang epicenter nito 11 kilometro ang layo sa timog-silangan ng Prieto Diaz, Sorsogon, na may lalim na 107 kilometro.

Naramdaman ang Intensity III sa Prieto Diaz, Sorsogon, habang Intensity II sa Magallanes at Bulusan, Sorsogon.

National
Sen. JV Ejercito sa panawagang masibak sa Ethics Committee: 'Malaking kagaanan po ito!'

Sen. JV Ejercito sa panawagang masibak sa Ethics Committee: 'Malaking kagaanan po ito!'

Naitala naman ang Instrumental Intensities sa mga sumusunod na lugar:

Intensity III - Prieto Diaz, Sorsogon

Intensity II - Pawa at Tabaco, Albay; Rosario, Northern Samar; Virac, Catanduanes 

Intensity I - City of Legazpi, Albay; Panganiban, Catanduanes 

Wala namang inaasahan ang Phivolcs na posibleng aftershocks ng lindol. 

Hindi rin umano inaasahang magdudulot ng pinsala ang nasabing pagyanig.