Persona non grata na rin ang drag queen na si Pura Luka Vega sa probinsya ng Occidental Mindoro dahil sa kaniyang kontrobersiyal na “Ama Namin” drag performance.
Sa sesyon umano ng Sangguniang Panlalawigan nitong Huwebes, Agosto 17, inaprubahan ang resolusyong nagdedeklarang persona non grata si Amadeus Fernando Pagente o mas kilala bilang "Pura Luka Vega."
Nakasaad sa resolusyon na maituturing daw na “paglalapastangan” sa simbahang Katolika at mga relihiyong gulagalang kay Hesukristo ang naturang performance ni Pura.
Ayon kay Vice Governor Anecita Diana Apigo-Tayag, magsisilbi umanong aral ang naturang desisyon upang hindi pamarisan ng iba ang ginawa ni Pura.
Sen. Imee sa sinabi ni Tiangco: 'Panahon na para ibasura ang impeachment ni VP Sara'
Bukod naman sa Occidental Mindoro, ilang mga lugar na rin sa Pilipinas ang nagdeklarang persona non grata kay Pura kabilang na ang Maynila, Dinagat Islands, Cebu City, Laguna, Nueva Ecija, Cagayan de Oro City, Bukidnon, General Santos City sa South Cotabato, Floridablanca sa Pampanga, at Toboso sa Negros Occidental.
MAKI-BALITA: Pura Luka Vega persona non grata sa Maynila
MAKI-BALITA: Pura Luka Vega, persona non grata na rin sa Dinagat Islands
MAKI-BALITA: Pura Luka Vega, persona non grata na rin sa Cebu City
MAKI-BALITA: Pura Luka Vega, idineklarang persona non grata sa Laguna
MAKI-BALITA: Pura Luka Vega, persona non grata na rin sa Nueva Ecija, Cagayan de Oro
MAKI-BALITA: Pura Luka Vega, idineklarang persona non grata sa Bukidnon
MAKI-BALITA: Pura Luka Vega persona non grata sa GenSan
MAKI-BALITA: Pura Luka Vega idineklarang persona non grata sa isang bayan sa Negros Occidental
Kamakailan lamang ay nagbigay ng reaksyon kamakailan si Pura hinggil sa pagdedeklara sa kaniyang persona non grata sa ilang mga lugar sa bansa.
“Tell me EXACTLY what I did wrong. I’m open for a dialogue and yet cities have been declaring persona non grata without even knowing me or understanding the intent of the performance. Drag is art. You judge me yet you don’t even know me,” ani Pura.
MAKI-BALITA: Pura Luka Vega, nag-react sa halos sunod-sunod na pagka-persona non grata
Matatandaang Hulyo 10 nang i-post ni Pura sa X (Twitter) ang isang video ng kaniyang “Ama Namin” drag performance na agad namang nag-viral at naging sentro ng mga duskusyon.
MAKI-BALITA: ‘Sining o blasphemy?’ Drag queen Pura Luka Vega binatikos dahil sa ‘Ama Namin’
Pagkatapos nito, iginiit ni Pura na wala raw siyang intensyong maka-offend ng kahit na sinuman, dahil ang kaniyang ginawa ay isa umanong “drag art interpretation of worship.”
MAKI-BALITA: Pura Luka Vega may paliwanag sa kontrobersyal na ‘Ama Namin’ remix sa drag performance
