Dumagdag sa mga lugar sa bansa na nagdeklara ng persona non grata kay drag queen Pura Luka Vega ang Cebu City.

Sa regular session nitong Miyerkules, Agosto 16, ipinasa ng Cebu City Council ang isang resolusyon na nagdedeklara kay Pura Luka Vega na persona non grata dahil umano sa “Ama Namin” drag performance nito.

Base sa resolusyon na isinulat ni Councilor Pastor ‘Jun’ Alcover Jr., maituturing umanong “offensive” at “disrespectful” ang performance ni Pura sa social at cultural values na may kaugnayan sa religious beliefs ng mga Cebuano.

Ayon pa kay Alcover, ang Cebu City ang pinakaunang lokal na pamahalaan ng Central Visayas na nagdeklara ng persona non grata sa drag queen.

National

Sen. Imee sa sinabi ni Tiangco: 'Panahon na para ibasura ang impeachment ni VP Sara'

Matatandaang naideklara na ring persona non grata si Pura sa iba pang lugar sa bansa katulad ng Maynila, Laguna, Nueva Ecija, Cagayan de Oro City, Bukidnon, General Santos City sa South Cotabato, Floridablanca sa Pampanga, at Toboso sa Negros Occidental.

MAKI-BALITA: Pura Luka Vega persona non grata sa Maynila

MAKI-BALITA: Pura Luka Vega, idineklarang persona non grata sa Laguna

MAKI-BALITA: Pura Luka Vega, persona non grata na rin sa Nueva Ecija, Cagayan de Oro

MAKI-BALITA: Pura Luka Vega, idineklarang persona non grata sa Bukidnon

MAKI-BALITA: Pura Luka Vega persona non grata sa GenSan

MAKI-BALITA: Pura Luka Vega idineklarang persona non grata sa isang bayan sa Negros Occidental

Nagbigay naman ng reaksyon kamakailan si Pura sa nasabing pagkakadekalara sa kaniya bilang persona non grata.

“Tell me EXACTLY what I did wrong. I’m open for a dialogue and yet cities have been declaring persona non grata without even knowing me or understanding the intent of the performance. Drag is art. You judge me yet you don’t even know me,” ani Pura.

MAKI-BALITA: Pura Luka Vega, nag-react sa halos sunod-sunod na pagka-persona non grata

Matatandaang Hulyo 10 nang i-post ni Pura sa X (Twitter) ang isang video ng kaniyang “Ama Namin” drag performance na agad namang nag-viral at naging sentro ng mga duskusyon.

MAKI-BALITA: ‘Sining o blasphemy?’ Drag queen Pura Luka Vega binatikos dahil sa ‘Ama Namin’

Pagkatapos nito, iginiit ni Pura na wala raw siyang intensyong maka-offend ng kahit na sinuman, dahil ang kaniyang ginawa ay isa umanong “drag art interpretation of worship.”