Nagdeklara na rin maging ang probinsya ng Laguna ng persona non grata laban kay Pura Luka Vega matapos ang kontrobersiyal na “Ama Namin” drag performance ng drag queen.

Sa isang Facebook post nitong Lunes, Agosto 14, ibinahagi ni Laguna board member Christian Niño Lajara ang desisyon umano ng lahat ng miyembro ng Laguna Provincial Council na ideklarang persona non grata si Pura sa kanilang probinsya.

“As leaders of our province, it is our duty to uphold the values of respect and dignity towards our fellow individuals. We should not tolerate any attacks or disrespect towards our cultures and beliefs,” ani Lajara.

“By declaring Persona Non Grata, we are reminding everyone that being a celebrity or personality should never be an excuse to offend or insult our traditions and beliefs,” saad pa niya.

Eleksyon

Teddy Casiño, nakasama sina Heidi Mendoza, Luke Espiritu: ‘Maybe next time’

Bukod naman sa Laguna, idineklara na rin si Pura na persona non grata sa iba pang lugar sa bansa tulad ng Maynila, Nueva Ecija, Cagayan de Oro City, Bukidnon, General Santos City sa South Cotabato, Floridablanca sa Pampanga, at Toboso sa Negros Occidental.

MAKI-BALITA: Pura Luka Vega, persona non grata na rin sa Nueva Ecija, Cagayan de Oro

MAKI-BALITA: Pura Luka Vega persona non grata sa Maynila

MAKI-BALITA: Pura Luka Vega, idineklarang persona non grata sa Bukidnon

MAKI-BALITA: Pura Luka Vega persona non grata sa GenSan

MAKI-BALITA: Pura Luka Vega idineklarang persona non grata sa isang bayan sa Negros Occidental

Ang persona non grata ay mula sa salitang Latin na nangangahulugang “person not appreciated” o “person not welcome” sa isang lugar.

“Tell me EXACTLY what I did wrong. I’m open for a dialogue and yet cities have been declaring persona non grata without even knowing me or understanding the intent of the performance. Drag is art. You judge me yet you don’t even know me,” reaksyon naman ni Pura sa naturang pagdeklara sa kaniya ng persona non grata.

MAKI-BALITA: Pura Luka Vega, nag-react sa halos sunod-sunod na pagka-persona non grata

Matatandaang Hulyo 10 nang i-post ni Pura sa X (Twitter) ang isang video ng kaniyang “Ama Namin” drag performance na agad namang nag-viral at naging sentro ng mga duskusyon.

MAKI-BALITA: ‘Sining o blasphemy?’ Drag queen Pura Luka Vega binatikos dahil sa ‘Ama Namin’

Pagkatapos nito, iginiit ni Pura na wala raw siyang intensyong maka-offend ng kahit na sinuman, dahil ang kaniyang ginawa ay isa umanong “drag art interpretation of worship.”