Pumalo sa 60°C ang heat index sa Casiguran, Aurora nitong Lunes, Agosto 14, ayon sa Philippine Atmospheric, Geophysical and Astronomical Services Administration (PAGASA).

Sa tala ng PAGASA, ito na ang pang-apat sa sunud-sunod na araw kung saan nakaranas ang Casiguran ng extremely dangerous heat index.

Naitala umano sa nasabing lugar ang 53°C heat index noong Agosto 11 at 12, habang 59°C heat index naman kahapon, Agosto 13.

Ang heat index ay ang pagsukat umano kung gaano kainit ang nararamdaman kapag ang “humidity” ay isinasama sa aktwal na temperatura ng hangin.

2 dambuhalang sawa, nahuli sa kisame ng magkaibang bahay, 1 sa kanila, nakalunok ng tuta!

Maari umanong malagay sa “extreme danger” level ang mga heat index na 52°C pataas dahil malaki umano ang tiyansa rito ng “heat stroke.”

Samantala, 16 mga lugar sa bansa umano ang nagkaroon ng ‘dangerous’ heat index nitong Sabado:

1. Calapan, Oriental Mindoro (45°C)
2. NAIA, Pasay City (43°C)
3. Dagupan City, Pangasinan (43°C)
4. Tuguegarao City, Cagayan (43°C)
5. Baler, Aurora (43°C)
6. Ambulong, Tanauan, Batangas (43°C)
7. Alabat, Quezon (43°C)
8. Daet, Camarines Norte (43°C)
9. Virac, Catanduanes (43°C)
10. Roxas City, Capiz (43°C)
11. Calayan, Cagayan (42°C)
12. Aparri, Cagayan (42°C)
13. Iba, Zambales (42°C)
14. CLSU Muñoz, Nueva Ecija (42°C)
15. Sangley Point, Cavite (42°C)
16. San Jose, Occidental Mindoro (42°C).

Ayon pa sa PAGASA, maaari umanong malagay sa “danger” level ang mga heat index na mula 42°C hanggang 51°C dahil posible rito ang “heat cramp” at “heat exhaustion”.