Sinagot ni Kuya Kim Atienza ang naging pagdepensa ng drag queen na si “Pura Luka Vega” sa kaniyang kontrobersyal na “Ama Namin” drag performance habang ginagaya umano si Hesukristo.

Matatandaang sa isang post sa X (Twitter) noong Huwebes, Agosto 10, nag-react si Pura sa pagdeklara sa kaniya ng persona non grata ng iba’t ibang mga lugar sa bansa, kabilang na ang Maynila, dahil sa nasabing drag performance.

“Tell me EXACTLY what I did wrong. I’m open for a dialogue and yet cities have been declaring persona non grata without even knowing me or understanding the intent of the performance,” aniya. 

“Drag is art. You judge me yet you don’t even know me,” saad pa ng drag queen.

Duterte siblings, nag-bonding: 'Always something to be grateful for'

MAKI-BALITA: Pura Luka Vega, nag-react sa halos sunod-sunod na pagka-persona non grata

Sa isa namang comment ni Kuya Kim na ibinahagi niya sa kaniyang Facebook nitong Sabado, Agosto 12, iginiit niyang para sa mayorya ng mga Pilipino, “offensive” daw ang tinatawag ni Pura na “art.”

“Hi Luka. We haven’t met yet but I wish you well. I sincerely hope you develop the empathy to know how deeply offensive your ‘art’ is to majority of Filipinos,” mensahe ni Kuya Kim kay Pura.

“This has nothing to do with drag or gender but how you disrespected Jesus and His prayer we so revere,” dagdag pa niya.

Matatandaan namang Hulyo 10 nang ipinost ni Pura sa kaniyang X account ang video ng paggaya niya umano kay Hesukristo at pagsayaw ng remix version ng Ama Namin habang nakikiawit ang kaniyang mga manonood.

MAKI-BALITA: ‘Sining o blasphemy?’ Drag queen Pura Luka Vega binatikos dahil sa ‘Ama Namin’

Pagkatapos ng naging pambabatikos sa kaniya, iginiit ni Pura na wala siyang intensyong maka-offend, dahil ang kaniyang naging pagtatanghal ay isa umanong “drag art interpretation of worship.”