Idineklara na ring “persona non grata” ang drag queen na si “Pura Luka Vega” sa probinsya ng Bukidnon matapos ang kaniyang naging kontrobersiyal na “Ama Namin” drag art performance habang ginagaya umano si Hesukristo.
Base sa isang resolusyong inilabas ng Bukidnon Provincial Board, hindi lamang umano “blasphemous” ang naging drag performance ni Pura, maituturing din daw itong “offensive,” walang galang, nakakainsulto, hindi katanggap-tanggap at mapangahas sa relihiyon at paniniwalang Kristiyano.
Samantala, ilang mga lugar sa bansa tulad ng Maynila, General Santos City sa South Cotabato, Floridablanca sa Pampanga, at Toboso sa Negros Occidental ang matatandaang nagdeklara rin ng persona non grata para kay Pura.
MAKI-BALITA: Pura Luka Vega persona non grata sa Maynila
Ping Lacson, kinilala ambag nina PNoy, PBBM sa estado ng kaso ni Mary Jane Veloso
MAKI-BALITA: Pura Luka Vega persona non grata sa GenSan
MAKI-BALITA: Pura Luka Vega idineklarang persona non grata sa isang bayan sa Negros Occidental
Ang persona non grata ay mula sa salitang Latin na nangangahulugang “person not appreciated” o “person not welcome” sa isang lugar.
Bukod naman sa pagiging persona non grata sa mga nasabing lugar, sinampahan ng kaso si ang drag queen ng ilang religious leaders.
MAKI-BALITA: Pura Luka Vega kinasuhan dahil sa ‘Ama Namin’
Matatandaang Hulyo 10 nang i-post ni Pura sa X (Twitter) ang isang video ng kaniyang “Ama Namin” drag performance na agad namang nag-viral at naging sentro ng mga duskusyon.
MAKI-BALITA: ‘Sining o blasphemy?’ Drag queen Pura Luka Vega binatikos dahil sa ‘Ama Namin’
Pagkatapos nito, iginiit ni Pura na wala raw siyang intensyong maka-offend ng kahit na sinuman, dahil ang kaniyang ginawa ay isa umanong “drag art interpretation of worship.”
MAKI-BALITA: Pura Luka Vega may paliwanag sa kontrobersyal na ‘Ama Namin’ remix sa drag performance
