Naispatang magkasama ang dating magkarelasyong sina John Lloyd Cruz at Shaina Magdayao sa Locarno, Ticino, Switzerland.
Kalma lang at walang "balikan" na naganap dahil para ito sa screening ng pelikulang "'Essential Truths of the Lake" ng direktor na si Lav Diaz, na kalahok sa 76th Locarno Film Festival mula Agosto 2 hanggang Agosto 12 sa Switzerland.
Makikitang nakasuot si Shaina ng modern-day Filipiniana at maong pants naman sa pang-ibaba habang naka-all black outfit naman si Lloydie.
Makikita ito sa mismong Instagram page ng pelikula uploaded nitong Agosto 6, 2023.
Pelikula nina John Lloyd, Shaina kasali sa 76th Locarno Film Festival
Matapos ang kanilang breakup, ito na ang unang pagkakataong nakitang magkasama sa isang larawan ang dalawa.
Nagwakas ang relasyon ng dalawa noong 2012 matapos ang dalawang taon. Simula noon ay naging tahimik na ang buhay-pag-ibig ni Shaina. Na-link siya kay Piolo Pascual subalit hindi naman nakumpirma ang real score sa pagitan nila.
Sa kasalukuyan, ang girlfriend ni Lloydie ay ang artist na si Isabel Santos.
