Idineklara ni Pangulong Ferdinand "Bongbong" Marcos Jr. ang buwan ng Oktubre kada taon bilang "Communications Month" upang kilalanin umano ang mahalagang papel ng komunikasyon at impormasyon pagdating sa "nation-building."
Base sa Proclamation No. 308, ang Presidential Communications Office (PCO) ang mangunguna sa mga programa, proyekto, at aktibidad para sa "Communications Month."
Binigyang-diin naman ni Marcos sa proklamasyon ang mahalagang papel ng komunikasyon sa pagpapayaman ng pampublikong diskurso.
"The administration aims to provide true, accurate, and relevant information regarding its policies, priority programs, and projects to nurture a well-informed and enlightened citizenry through appropriate media," ani Marcos.
Ejay Falcon tinanggap pagkatalo, babalik bilang pribadong mamamayan
"An effective communication mechanism is vital in the engagement and involvement of the citizenry and the media industry in enriching the quality of public discourse on all matters of governance," dagdag pa niya.
Hinikayat din ng Pangulo ang lahat ng ahensya, government-owned o government-controlled corporations, state universities and colleges, lahat ng local government units, non-government organizations, at pribadong sektor na makiisa at suportahan ang PCO sa pagdiriwang ng Communications Month.
Samantala, nakasaad din sa nasabing dalawang pahinang proklamasyon ang pagdeklara ni Marcos ng Oktubre 11 kada taon bilang anibersaryo ng PCO.
