Outfit ni VP Sara sa SONA, isinuot para parangalan ang Moro tribe

By MJ Salcedo

July 24, 2023

In BALITA

Isinuot umano ni Vice President at Education Secretary Sara Duterte ang isang traditional Maguindanaon dress sa ikalawang State of the Nation Address (SONA) ni Pangulong Ferdinand “Bongbong” Marcos Jr. upang parangalan ang tribong Moro ng South Central Mindanao.

Sa isang pahayag nitong Lunes, Hulyo 24, ibinahagi ng Office of the Vice President (OVP) na isinuot ni Duterte ang traditional Maguindanaon dress na Bangala na ipinares sa isang trouser at flowing inaul o malong upang parangalan ang kaniyang "home region."

“Vice President Sara Duterte’s Bangala features gold accessories that symbolize the wealth and abundance of Mindanao’s natural resources,” anang OVP.

Inilarawan din ng opisina ni Duterte ang “inaul” bilang isang Maguindanao fabric na masusing hinabi umano gamit ang bulak at seda.

“It is a treasured cultural gem that profoundly reflects the pride, bravery, heritage, and history of the people of Maguindanao,” saad ng OVP.

Sinabi rin nito na ang outfit ng bise presidente ay ginawa ni Cotabato City-based designer Israel Ellah Ungkakay, na siyang nagtataguyod umano ng kultura at tradisyon ng Moro people sa Mindanao.

Ginanap ang ikalawang SONA ni Marcos sa Batasang Pambansa Complex sa Quezon City.

Pagpapapako ni Ruben Enaje sa krus, matutuldukan na ngayong taon?

Muling nasaksihan ng mga residente at maging ng libong turista ang taunang Senakulo sa bayan ng San Fernando, Pampanga noong Biyernes Santo, Abril 18, 2025. Sa ika-36 taon ng kaniyang pagpapapako sa krus at pagganap bilang Hesus, ito na raw ang tila kahuli-hulang Senakulong posibleng itanghal ni Ruben Enaje.Si Ruben, 64 taong gulang ang kilalang deboto at namamanatang gumaganap bilang Hesus sa...

Humigit-kumulang 500k deboto, dumalo sa prusisyon ng Poong Nazareno ngayong Biyernes Santo

Nagbigay ng pahayag ang Kura Parokong si Rev. Fr. Ramon Jade Licuanan kaugnay sa isinagawang prusisyon ng Poong Nazareno ngayong Biyernes Santo.Sa isang video statement na inilabas ng Quiapo Church nitong Biyernes, Abril 18, sinabi ni Fr. Licuanan na tumagal umano ng mahigit 11 oras ang naturang prusisyon na dinaluhan ng humigit-kumulang 500,000 deboto.Aniya, “Naisagawa po ng Basilika Menor at...

Sen. JV Ejercito, inalala dakilang sakripisyo ni Hesus

Ginunita ni Senador JV Ejercito ang dakilang sakripisyo ni Hesus para sa kaligtasan ng buong sanlibutan ngayong Biyernes Santo, Abril 18.Sa isang Facebook post ni Sen. JV sa mismong araw na binanggit, hiniling niyang magsilbing paalala ang banal na araw na ito.“Nawa'y magsilbing paalala ito sa atin ng tunay na pagmamahal, kapatawaran, at pananampalataya.Mapagpalang Biyernes Santo sa ating...