SONA ni PBBM, mananatiling ‘hybrid’ – Velasco

By MJ Salcedo

July 23, 2023

In BALITA

Ipinahayag ni House Secretary General Reginald Velasco nitong Sabado, Hulyo 22, na mananatili ang “hybrid” o pinagsamang virtual at face-to-face set-up sa ikalawang State of the Nation Address (SONA) ni Pangulong Ferdinand “Bongbong” Marcos Jr. sa Lunes, Hulyo 24.

Ito ay sa kabila ng inilabas na Proclamation No. 297 nitong Sabado na nag-aalis ng State of Public Health Emergency sa buong Pilipinas na dulot ng Covid-19.

MAKI-BALITA: PBBM, inalis na ang Covid-19 public health emergency sa ‘Pinas

Samantala, sinabi rin naman ni Velasco na wala pang inilalabas na desisyon hinggil sa kung aalisin na ang hybrid set-up sa mga magiging sesyon sa Kamara.

Nakatakdang magsagawa ang mga kinatawan sa Kamara at mga senador ng joint session sa Lunes, dakong 10:00 ng umaga, sa Batasang Pambansa Complex sa Quezon City.

Ang naturang pagpupulong ay upang pormal na buksan ang ikalawang regular na sesyon ng 19th Congress matapos ang dalawang buwang recess nito.

Pagkatapos nito, magaganap na sa kaparehong joint session ang SONA ni Marcos sa dakong 4:00 ng hapon.

MAKI-BALITA: Ulat sa Bayan: Bakit nga ba may SONA bawat taon?

JIL Church, nag-endorso ng 5 senatorial candidates

Ilang araw bago ang May 2025 elections, nag-endorso ng limang kandidato sa pagkasenador ang religious group na Jesus Is Lord Church Worldwide (JILCW).“After much prayer, fasting, and study, JIL Worldwide's Executive Selection Committee for the 2025 Midterm Elections has concluded its initial deliberations and has shortlisted senatorial candidates for endorsement,” anang JILCW sa isang...

Vice Ganda, inendorso na si Kiko Pangilinan

Naghayag na rin ng suporta si Unkabogable Star at “It’s Showtime” host Vice Ganda sa kandidatura ni Atty. Kiko Pangilinan.Sa latest Facebook post kasi ni Vice nitong Linggo, Mayo 4, inendorso niya si Kiko sa pamamagitan ng isang maikling video.“Di pwedeng mawala sa Top 12 ang TAPAT at TOTOO,” saad ni Vice sa caption.Umani naman ito ng samu’t saring reaksiyon mula sa mga netizen. Narito...

Suspek sa SCTEX road crash, negatibo sa drug test; lahat ng driver ng Solid North, ipapa-drug test din!

Negatibo sa drug test ang driver ng bus na umararo sa ilang sasakyan sa SCTEX at kumitil ng 10 katao noong Mayo 1, 2025.KAUGNAY NA BALITA: Nakatulog na driver ng bus, inararo mga sasakyan sa SCTEX, 10 patay!Kasunod nito, nakatakda na rin umanong isailalim sa drug test ang lahat ng driver ng Solid North—ang bus company na sangkot sa nasabing aksidente. Sa panayam ng media kay Dizon nitong...