Tumulong ang Philippine Coast Guard (PCG) sa pamamahagi ng relief goods sa mga residente na naapektuhan ng pagbaha sa Datu Montawal, Maguindanao del Sur kamakailan.

Sa Facebook post ng PCG, ang nasabing relief operations ay alinsunod sa kautusan ng tanggapan ni Vice President Sara Duterte.

Partikular na nakibahagi sa pamamahagi ng relief goods ang PCG District BARMM (Bangsamoto Autonomous Region in Muslim Mindanao) at PCG Auxiliary 1601st Squadron.

Probinsya
Catanduanes, niyanig ng magnitude 6.1 na lindol

Catanduanes, niyanig ng magnitude 6.1 na lindol

Isinagawa ang pamamahagi ng tulong nitong Hulyo 15-16.

Bukod sa Datu Montawal, apektado rin ng malawakang pagbaha ang Saydona Mustapha, Mamasapano, Pagalungan, Datu Salibo, Sultan sa Barongis, Mangudadatu, Gen. SK Pendatun, Datu Saudi Ampatuan, Datu Piang, Ampatuan at Paglat.

Matatandaang nagdeklara ng state of calamity ang Maguindanao del Sur dahil sa matinding pagbaha sa lalawigan kamakailan.