Tatlong pinaghihinalaang drug pusher ang inaresto ng pulisya matapos masamsaman ng halos ₱2 milyong halaga ng illegal drugs sa Barangay Dalahican, Lucena City, Quezon nitong Linggo ng madaling araw.
Nasa kustodiya na ng mga awtoridad sina Alvin Gobrin Unlayao, 35, taga-Purok 6; Christian Cantor Aquino, alyas Kwatog, 39, taga-Purok 1, at Robert Driz Moreno, 35, taga-Purok 3A, Brgy. Dalahican, ayon kay Quezon Police director Col. Ledon Monte.
Sa ulat ng Lucena Police Drug Enforcement Unit (DEU), dinakip ang tatlong suspek sa ikinasang buy-bust operation sa naturang lugar.
Probinsya
Catanduanes, niyanig ng magnitude 6.1 na lindol
Nasamsam sa operasyon ang anim na sachet at plastic bag na naglalaman ng pinaghihinalaang shabu na nagkakahalaga ng ₱1,925,762.00.
Ang mga suspek ay nahaharap na sa kasong paglabag sa Comprehensive Dangerous Drugs Act of 2002 (Republic Act 9165).
