Inanunsyo ng Professional Regulation Commission (PRC) nitong Biyernes, Hulyo 7, ang venue at petsa para sa isasagawang face-to-face mass oathtaking para sa mga bagong Radiologic Technologists at X-ray Technologists ng bansa.
Sa Facebook post ng PRC, ibinahagi nitong nakatakdang maganap ang in-person oathtaking sa Hulyo 31, 2023, sa Grand Ballroom, Century Park Hotel, 599 P. Ocampo St. Malate, Manila, 1004 Metro Manila.
“All successful examinees who are interested to attend the face-to-face mass oathtaking shall register not later than 12:00 NN of the day prior to the date of the oathtaking at http://online.prc.gov.ph to confirm their attendance,” anang PRC.
"Inductees shall come in Barong Tagalog and Filipiniana and are required to PRINT the Oath Form with their own generated QR. This will be submitted during the oathtaking in order to be tagged as 'attended'," dagdag nito.
Inabisuhin din ng PRC ang mga lalahok sa in-person oathtaking na dalhin ang kanilang Vaccination Card o ang kanilang Negative RT-PCR/COVID-19 anti-gen swab results na kinuha sa loob ng 48 oras bago ang oathtaking.
'Politika there, politika here, politika everywhere! Only in the Philippines!—Sen. Robin Padilla
Para naman sa mga hindi makakadalo sa face-to-face mass oathtaking, maaari pa rin umano silang dumalo sa online oathtaking o humiling ng isang special oathtaking.
"After the oathtaking, inductees shall proceed with their Initial Registration by securing an online appointment at http://online.prc.gov.ph," saad ng PRC.
"For more information on the oathtaking proper, please contact at 0915-186-1911," dagdag nito.
