Sumailalim ngayong araw sa isang surgey si Miss International Queen 2022 Fuschia Anne Ravena sa Thailand.

Sa Instagram post ni Fuschia ngayong Biyernes, Hulyo 7, makikita sa larawan niyang ibinahagi na nakahiga at suportado na siya ng dextrose.

Hindi naman malinaw sa nasabing post kung anong klaseng operasyon isasalang si Fuschia.

Ayon sa caption ni Fuschia, kahit maliit o malaki man ang gagawing operasyon, iyon ay panghabangbuhay nang desisyon na nangangailangan ng maingat na konsiderasyon at masusing pag-aaral.

“Surgery, whether small or something major, is a lifelong decision that requires careful consideration and thorough research.” aniya.

Sey ng NBI: 'Fugitive Senator Dela Rosa will be arrested whether he likes it or not'

“I am excited and proud to be under the care of Thailand's top and most trusted medical professionals in the field of beauty aesthetics. Yesterday, I had the privilege of meeting the experts behind Wansiri, and I am deeply reassured to affirm that I am in capable hands. Thank you so much @wansirihospital ❤️,” dagdag pa niya sa mababasang caption ng kaniyang Instagram post.

Kamakailan ay naging usap-usapan naman ng ‘Sangka-beshyhan’ ang larawang ibinahagi ni Fuschia kung saan makikita ang tila “hubadera” niyang pag-awra noong  Hunyo 26, 2023 sa Bangkok, Thailand.