PAGBILAO, QUEZON -- Tinatayang nasa ₱3.6 milyong halaga ng iligal na droga ang nasabat sa naarestong high value individual (HVI) sa Barangay Sta. Catalina dito nitong Biyernes, Hulyo 7.
Photo by Quezon PNP-PIO via Danny Estacio
Kinilala ni Quezon Police Director Col. Ledon Monte ang suspek na si Samuel Marino, alyas Sam, 23, residente ng nasabing lugar.
Probinsya
15-anyos, nalunod matapos hanapin cellphone na may pabuyang ₱1k
Sa ulat ng Provincial Drug Enforcement Unit (PDEU) Quezon, matagal nang minamanmanan si Marino dahil sa kaniyang aktibidad sa droga sa bayang ito.
Nagsagawa ng buy-bust operation pulisya at dito nahuli siyang nagbebenta ng iligal na droga sa mga operatiba na nagpapanggap na poseur-buyer.
Nakuha mula sa suspek ang 15 sachets at isang nakabuhol na plastic bag na may lamang umano'y shabu na may timbang na 180 gramo, at may street value na ₱3,672,000. Nakuha rin sa suspek ang marked money na ginamit sa buy-bust.
Sasampahan ng kasong paglabag sa RA 9165 o Comprehensive Dangerous Drug Act of 2022 si Marino. Kasalukuyan din itong nasa kustodiya ng Pagbilao MPS para sa proseso ng dokumentasyon ng kaso.
