Tila nagbabadyang malapit na ang pagbabalik-telebisyon ni Wowowin host Willie Revillame matapos niyang ibahagi sa opisyal na social media accounts ng kaniyang programa ang isang music video.
Ang nabanggit na music video ay pinamagatang "Babalik Ako!" na isinulat mismo ni Willie, at nilapatan ng musika ni Vehnee Saturno.
"Sa Programa ng Bawat Pilipino Kayo ang Bida Dito. Abangan," caption ni Willie.
Sa thumbnail, tila makikita ang isang lalaking nakasuot ng puting damit, nakaupo at nakatalikod, na mahihinuhang si Willie.
PBBM sa National Teacher's Day: 'I wish you a joyful and productive celebration'
Sa lyrics ng awitin, sinabi ni Willie na namimiss na niyang marinig ang mga hiyawan at palakpakan.
Matagal-tagal na rin tayong hindi nagkikita
Palakpakan at hiyawan ay nami-miss ko na
Mga yakap ninyo ay nais nang muling madama
Ako’y nasasabik kayo ay makasama
Ang buhay ko’y laan para sa inyo
Magbibigay-saya mula sa puso ko
Babalik ako, ligaya na sa puso ang mapasaya kayo
Babalik muli upang magsama-sama tayo
Ako’y ganyan sa inyo.
Marami nang pagsubok ang nalagpasan
Akala ko ay hindi ko na ito makakayanan
Kapag naiisip ko mga sigaw ninyo at tawanan
Muli lumalakas ang aking kalooban
Ang buhay ko ay laan para sa inyo
Magbibigay-saya mula sa puso ko
Babalik ako
Ligaya na sa puso ang mapasaya kayo.
Babalik muli upang magsama-sama tayo.
Ako’y ganyan sa inyo
Muli ay may liwanag
Muli ay may pag-asa sa bawat Pilipino
Magbibigay-saya
Muli’y naririto at makakasama
Ang handog ko ay ligaya at saya
Matatandaan kasing kinansela na ni Willie ang kontrata nito sa ALLTV matapos makakuha ng mababang viewership. Kaya ang malaking tanong, saang network kaya babalik ang Wowowin?
MAKI-BALITA: Willie Revillame, lalayas na raw sa ALLTV?
Kamakailan lamang, inispluk ni Cristy Fermin na inalok umano si Willie na mag-guest sa "Eat Bulaga!" ng TAPE na umeere sa GMA Network, pero tumanggi siya bilang respeto sa TVJ.
Ngunit kung ang pag-uusapan daw nila ay patungkol sa Wowowin, mukhang handang upuan at makipag-usap ni Willie sa mga Jalosjos.
MAKI-BALITA: Willie, willing makipag-usap sa mga Jalosjos para sa Wowowin?
Isa pang tanong ng mga netizen, kung sakaling babalik nga si Willie, makikipagsabayan din kaya ito sa noontime o kagaya ng time slot nito noong nasa GMA Network pa siya?
Iyan ang mga dapat abangan ng publiko sa mga susunod na araw.
