Iginiit ni Senadora Risa Hontiveros na dapat magkaroon ng “explicit disclaimer” na walang katotohanan ang “nine-dash line” ng China kapag pinalabas na sa Pilipinas ang pelikulang “Barbie.”
Sinabi ito ni Hontiveros sa gitna ng naiulat na pag-ban ng bansang Vietnam sa pelikula dahil sa mga eksenang nagpapakita ng mapa na may nine-dash line na naglalarawan umano ng malawak na pag-angkin ng China sa malaking bahagi ng South China Sea.
"The movie is fiction, and so is the nine-dash line,” pahayag ni Hontiveros nitong Martes, Hulyo 4.
“At the minimum, our cinemas should include an explicit disclaimer that the nine-dash line is a figment of China’s imagination,” dagdag niya.
Samantala, inihayag ng Movie and Television Review and Classification Board (MTRCB) nito ring Martes na sinuri nito ang pelikula.
53-anyos na babae, namatay sa gitna ng AICS payout
Ilalabas umano ang kopya ng Permit to Exhibit o ang desisyon ng Komite sa opisyal na website na mtrcb.gov.ph.
MAKI-BALITA: ‘Matapos i-ban ng Vietnam’: Pelikulang ‘Barbie’, sinuri ng MTRCB
