Sinita ni Senator Raffy Tulfo ang Bureau of Internal Revenue (BIR) sa plano nitong dagdagan ng buwis ang junk food at iba pang food items sa susunod na taon.
National
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
Aniya, maaapektuhan ng nasabing hakbang ang mahihirap na umaasa lamang abot-kayang junk food at food items.
“Bakit pinagdidiskitahan ng BIR ang mga chichirya at nais nilang patawan ng buwis ang mga ito," anang senador.
"Kung ang pakay nila ay para makalikom ng dagdag kita para sa kaban ng bayan mula sa mga consumer products, bakit ‘di nila puntiryahin ang mga luxury items, gaya ng mga food supplements, protein bars, energy bars, slimming drinks, pati na ang mga cosmetic product," aniya.
Nauna nang sinabi ni Finance Secretary Ben Diokno na plano ng Department of Finance (DOF) na magpataw ng ₱10 buwis para sa 100 gramo o ₱10 per 100 milliliters sa pre-packaged foods, kabilang na ang confectioneries, snacks, desserts, at frozen confectioneries.
Kinontra ito ni Tulfo at sinabing kung nais ng BIR na lumaki ang kita nito ay dapat pagtuunan nila ng pansin ang food supplement at cosmetic products na parehong bahagi ng multi-billion peso industry.