Home

Ruel Rivera, itinalaga bilang BJMP chief

June 26, 2023

(Mula sa kaliwa) Jail Director Ruel Rivera at Interior Secretary Benhur Abalos (Photo courtesy: BJMP/FB via MB)

Ruel Rivera, itinalaga bilang BJMP chief

By MJ Salcedo

June 26, 2023

In BALITA

Inanunsyo ng Presidential Communications Office (PCO) nitong Lunes, Hunyo 26, ang pagtalaga kay Ruel Rivera bilang bagong hepe ng Bureau of Jail Management and Penology (BJMP).

“Mr. Ruel S. Rivera has been appointed as Chief of Bureau of Jail Management and Penology (BJMP) under the Department of the Interior and Local Government (DILG),” anang PCO sa isang Facebook post.

Naging acting BJMP chief si Rivera mula noong Marso 28 at ngayon ay magiging Jail chief na at may ranggong Jail director. Bago iyon ay naging jail chief superintendent din siya.

Pinalitan ni Rivera ang dating chief jail director na si Allan Iral, na nagretiro nitong Hunyo.

Nito ring Lunes ay itinalaga rin umano si Atty. Lorenzo “Larry” Gadon bilang Presidential Adviser for Poverty Alleviation.

MAKI-BALITA: PBBM, itinalaga si Larry Gadon bilang Presidential Adviser for Poverty Alleviation

Leni Robredo binisita puntod ng asawa bago tuluyang naghain ng COC sa Naga City

Ibinahagi ni dating Vice President Atty. Leni Robredo ang pagdalaw niya sa puntod ng yumaong asawa at dating kalihim ng Department of the Interior and Local Government (DILG) Jesse Robredo, nitong umaga ng Sabado, Oktubre 5, 2024.Sa Instagram story ni Atty. Robredo, ibinahagi niya ang pagbisita niya sa puntod ni Jesse na inilayan niya rin ng isang bulaklak.“First things first,” saad ni Leni sa...

Kabataan Party-list, itutulak pagpapatalsik kay VP Sara

“Clear po ang gusto ng Kabataan, gusto siyang matanggal sa kaniyang posisyon.”Inihayag ni Kabataan Party-list first nominee Renee Co na itutulak at ieendorso nila ang pagpapatalsik kay Vice President Sara Duterte sa posisyon.Sinabi ito ni Co nang usisain ng media matapos ihain ang kanilang certificate of nomination and acceptance (CONA) para sa 2025 midterm elections nitong Sabado, Oktubre 5,...

Leni Robredo, natanong kung tatakbo ba ulit sa 2028 presidential elections

Natanong si dating Vice President at ngayo'y tumatakbong Naga City mayor Leni Robredo kung may balak na siyang kumandidato sa 2028 presidential elections, nang makapanayam ng media sa paghahain niya ng certificate of candidacy (COC) para sa napipisil na posisyon.Paglilinaw ni Robredo, wala raw siyang planong tumakbo sa pagkapangulo sa nabanggit na halalan.Bagama't hinihimok siyang...