Nag-aalok ang Samahang Basketbol ng Pilipinas (SPB) ng libreng shuttle service para sa mga fan ng Gilas Pilipinas na sasabak sa FIBA Basketball World Cup na sisimulan sa Philippine Arena sa Bocaue, Bulacan sa Agosto 25.
Sa Facebook post ng SBP, ang free rides ay laan sa 20,000 ticket holders na susugod sa PH Arena para sa opening games ng FIBA Basketball World Cup 2023.
Gayunman, nangako ang SBP na iaanunsyo pa nila ang pick-up points sa lalong madaling panahon.
Dakong 4:00 ng hapon, maglalaban muna ang Angola at Italy bago ang salpukan ng Gilas at Dominican Republic dakong 8:00 ng gabi.
Bukod sa Pilipinas, magsisilbi ring host ng naturang international competition ang Japan at Indonesia.
National
