Hinihintay na lamang ng Department of Agriculture (DA) ang desisyon ng Food and Drug Administration (FDA) kaugnay sa hiling nito na Certificate of Product Registration (CPR) ng bakunang mula sa Vietnam upang tuluyan na itong magamit laban sa African swine fever (ASF).

Ito ang pahayag ni DA Assistant Secretary for Operations Arnel de Mesa nang dumalo ito sa paglulunsad ng Livestock Philippines 2023 sa Quezon City nitong Lunes.

Pagdidiin ni De Mesa, naibigay na nila sa FDA ang kanilang rekomendasyon upang bigyang-permiso ang nasabing bakuna

“We’re working closely with the FDA regarding the (ASF) vaccine as they are mandated to do so,” anang opisyal.

Kaugnay nito, pinag-aaralan na ng DA ang mungkahing i-subsidize ang mga pribadong magbababoy sa pagkuha ng bakuna sakaling payagan na itong gamitin sa bansa.

“We are studying the proposal especially small backyard or small pig growers. We want to help them. It is a proposal to have a discount. We're looking at that possibility,” dagdag pa ni De Mesa.

Philippine News Agency