BACOLOD CITY - Inilibing na ang isang pamilyang minasaker, na binubuo ng apat na miyembro, sa Himamaylan City sa Negros Occidental.
Kabilang sa mga inihatid sa kanilang huling hantungan ag mag-asawang sina Rolly Fausto, 52; at Emilda, 49; at kanilang anak na sina Ben, 11, at Raben, 15.
Ang mga ito ay inilibing sa Barangay Aguisan Public Cemetery, apat na araw matapos silang matagpuang patay na may mga tama ng bala ng baril sa katawan.
Wala pang naaarestong suspek sa nasabing karumal-dumal na krimen na kasalukuyan pang iniimbestigahan ng pulisya.
Nauna nang naiulat na isa umanong military asset si Fausto (Rolly) na tumutulong upang sumuko sa gobyerno ang mga kaanak na miyembro ng New People's Army.
Probinsya
