Nasa 306 pa na rockfall events ang naitala sa Bulkang Mayon sa nakaraang 24 oras.
Ayon sa website ng Philippine Institute of Volcanology and Seismology (Phivolcs), bukod sa sunud-sunod na pagragasa ng mga bato, naobserbahan din ang dalawang volcanic earthquake ng Mayon at tatlong pyroclastic density current (PDC) events simula 5:00 ng madaling araw ng Miyerkules hanggang 5:00 ng madaling araw ng Huwebes.
Paliwanag ng Phivolcs, nakapagtala rin sila ng mabagal na pag-agos ng lava mula sa bunganga ng bulkan.
Nasa 193 toneladang sulfur dioxide ang ibinuga rin ng Mayon Volcano nitong Hunyo 14.
Sabunutan ng ilang LGBTQIA+ members at isang babae, sumiklab sa kasagsagan ng Simbang Gabi
Umabot naman sa 700 metrong taas ang pinakawalang usok ng bulkan at tinangay ng hangin pa-hilagang kanluran.
Ipinagbabawal pa rin ng Phivolcs ang pagpasok sa 6-kilometer radius permanent danger zone (PDZ) dahil sa posibleng pagragasa ng mga bato at lava kapag matindi ang pag-ulan.
Nananatili sa Level 3 ang alert status ng bulkan na posibleng sumabog sa mga susunod na araw, ayon pa sa ahensya.
