Arestado ang tatlong drug suspect sa isinagawang buy-bust operation ng mga miyembro ng Station Drug Enforcement Unit (SDEU) noong Lunes, Hunyo 12.
Ani Col Froilan Uy, city police chief, kinilala ang mga suspek na sina Manuel Catubato, Jr. 38, alyas “Pango”; Jenob Altarez, 36, at Jomel Bon, 27, construction worker, pawang residente ng Pasay City at nakalista bilang street level individual (SLI).
Naaresto ang mga suspek dakong alas-2:00 ng hapon sa Iris Street sa Barangay 184, Zone 19, Pasay City.
Gayunpaman, ang pangunahing target ng buy-bust operation, na kinilalang si Jefferson Copada alyas "Bay", ay nakaiwas sa pagkakaaresto.
Manny Pacquiao, binati mga nangunang senador: ‘Nawa’y maging tapat ang inyong paglilingkod’
Sinabi ng hepe ng pulisya ng lungsod na nagsagawa ng buy-bust operation ang mga miyembro ng SDEU matapos ipaalam ng isang concerned citizen sa pulisya ang presensya ng mga suspek sa bahay ni Copada.
Nakumpiska ng mga pulis ang 3.3 gramo ng shabu na nagkakahalaga ng P22,440; P1,000 cash na ginamit bilang buy-bust money; isang .45-caliber pistol na kargado ng tatlong piraso ng live ammunition; isang itim na kahon ng baril, at isang itim na pitaka ng barya.
Aniya, nakakulong ang mga suspek sa police custodial facility at sinampahan ng kasong illegal possession of drugs at firearms.
Jean Fernando
