Malapit nang magkaroon ng pabahay ang mga kawani ng Philippine Coast Guard (PCG) sa tulong na rin ng National Housing Authority (NHA).
Ito ay matapos pumirma sa isang Memorandum of Understanding (MOU) ang PCG at NHA sa PCG National headquarters sa Maynila nitong Hunyo 7.
Nagkasundo ang dalawang panig na maghanap ng lugar na pagtatayuan ng housing project para sa mga kawani ng PCG.
Pinangunahan nina PCG Commandant, CG Admiral Artemio Manalo Abu, at NHA General Manager, Joeben Tai, ang seremonya kung saan nagsilbing witness si Coast Guard Maritime Safety Services Command commander, CG Vice Admiral Joseph Coyme.
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
Dumalo rin sa aktibidad sina CG Vice Admiral Robert Patrimonio, Commander of Marine Environmental Protection Command; CG Rear Admiral Hostillo Arturo Cornelio, Commander of Coast Guard District National Capital Region-Central Luzon; CG Commodore Tito Alvin Andal, Chief of Coast Guard Staff; CG Commodore Rommel Supangan, Acting Commander of Coast Guard Legislative Liaison Affairs; at iba pang PCG senior officer.
