Isinapubliko ng Philippine Charity Sweepstakes Office (PCSO) na umabot na sa ₱200 milyon ang premyo sa gaganaping UltraLotto 6/58 draw nitong Linggo ng gabi.
Dahil dito, hinikayat ng PCSO ang publiko na magtungo na sa pinakamalapit na lotto outlet sa kanilang lugar at tumaya na sa pag-asang mapanalunan ang nasabing premyo.
Bukod dito, nasa ₱15.8 milyon naman ang premyo ng SuperLotto 6/49 maaaring mapanalunan ngayong Sunday draw.
Matatandaang dalawa ang nanalo sa draw ng 6/58 UltraLotto nitong Disyembre 30, 2022 kung saan umabot sa ₱521 milyon ang jackpot nito.
National
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
Nahulaan ng dalawa ang winning combination na 01-23-15-03-08-05.
Sa pahayag ng PCSO, ang dalawa ay taga-Davao City at Tacloban City sa Leyte.
Binobola ang UltraLotto 6/58 tuwing Martes, Biyernes at Linggo habang ang SuperLotto 6/49 draw ay tuwing Martes, Huwebes at Linggo.
