Marcos, pinalakas partisipasyon ng pribadong sektor sa mga proyekto ng gov’t-Balita

Magkakaroon na ng mas malawak na partisipasyon ang pribadong sektor ng bansa sa mga malalaking proyekto ng pamahalaan matapos maglabas ng executive order (EO) si Pangulong Ferdinand "Bongbong" Marcos Jr. na nag-aamyenda sa komposisyon ng Public-Private Partnership Governing Board (PPPGB).

Batay sa EO No. 30, na nilagdaan ni Executive Secretary Lucas Bersamin noong Hunyo 1, binanggit ni Marcos ang pangangailangang gumawa ng mga pagbabago dahil sa muling pagsasaayos ng National Competitive Council (NCC), isa sa mga miyembro ng PPPGB.

Inayos muli ng Ease of Doing Business Act ang NCC bilang Ease of Doing Business and Anti-Red Tape Advisory Council, na ginagawang "inexistent” ang posisyon ng Private Sector co-chairperson ng NCC.

Nakasaad sa EO na ang PPPGB ay magiging responsable para sa pagtatakda ng estratehikong direksyon ng PPP Program bilang policy-making body para sa lahat ng mga bagay na may kaugnayan sa PPP, kabilang na ang Project Development and Monitoring Fund (PDMF).

Inaatasan din umano ang Lupon na lumikha ng enabling policy at institutional environment para sa PPP.

Ang Socio-Economic Planning Secretary umano ang mamumuno sa PPPGB, habang ang Secretary of Finance naman ang magiging vice-chairperson.

Ang iba pang miyembro ng PPPGB ay:

Finance Secretary

Budget Secretary

Justice Secretary

Trade Secretary

Executive Secretary

Nakalagay rin sa EO na ang isang kinatawan mula sa pribadong sektor, na nagmumula sa “reputable organization” sa “banking, business, or infrastructure sector” ay itatalaga sa lupon ng Pangulo.

"The private sector representative shall promptly notify the PPPGB of any actual, perceived, or potential conflict of interest which could affect the performance of his/her duties as a member of the Governing Board," ayon sa EO.

Sinabi rin nito na ang Tagapangulo at tatlong iba pang miyembro ng Lupon ay bubuo ng isang quorum, at ang mayoryang boto ng mga miyembrong naroroon ay kinakailangan upang magpatibay ng anumang issuance, kautusan, resolusyon, desisyon, o iba pang mga aksyon ng Lupon sa pagsasagawa ng mga tungkulin nito.

Samantala, ang PPP Center ang magsisilbing Secretariat ng PPPGB.

Argyll Cyrus Geducos

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...