Idineklara na ng Philippine Atmospheric, Geophysical and Astronomical Services Administration (PAGASA) ang pagsisimula ng tag-ulan sa bansa nitong Biyernes, Hunyo 2.
Ayon sa PAGASA, nagdulot ng malawakang pag-ulan sa kanlurang bahagi ng Luzon at Visayas ang pagkakaroon ng mga kalat-kalat na thunderstorms, pagdaan ng Super Typhoon (STY) "BETTY" at ang Southwest Monsoon (Habagat) nitong mga nakaraang araw.
“[It] signifies the start of the rainy season in the country, especially over the Climate Type I areas. However, breaks in rainfall events (also known as monsoon breaks) may occur, which can last for several days or weeks,” anang PAGASA.
“Furthermore, a transition from ENSO-neutral to El Niño is favored in the next couple of months, with a higher chance of El Niño persisting up to the first quarter of 2024,” dagdag nito.
50.78% examinees, pasado sa Nov. 2024 Licensure Exam for Agriculturists
Pinapataas umano ng El Niño ang posibilidad ng mas mababa sa normal na kondisyon ng pag-ulan, na maaaring magdulot ng mga negatibong epekto, tulad ng tagtuyot, sa ilang lugar sa bansa.
Gayunpaman, ayon sa PAGASA, maaari ding asahan ang enhanced Southwest monsoon season o Habagat na maaaring magresulta sa higit sa normal na kondisyon ng pag-ulan sa kanlurang bahagi ng bansa.
