Tila maganda ang pasok ng buwan ng Hunyo para sa isang taga-Cavite na solong napanalunan ang ₱58 milyong jackpot prize ng Super Lotto 6/49 na binola nitong Huwebes ng gabi, Hunyo 1.
Ayon sa Philippine Charity Sweepstakes Office (PCSO) nitong Biyernes, Hunyo 2, nabili ang winning ticket sa Molino, Bacoor, Cavite.
Matagumpay na nahulaan ng lucky bettor ang winning combination na 14-22-27-40-45-41 na may kaakibat na ₱58, 995, 238.20.
National
50.78% examinees, pasado sa Nov. 2024 Licensure Exam for Agriculturists
Nauna nang pinaalalahanan ni PCSO General Manager Melquiades Robles ang mga mananalo sa kanilang lotto games ay magtungo lamang sa PCSO main office sa Mandaluyong City kung nais na nilang makubra ang kanilang napanalunang premyo.
Kailangan din aniya ng mga ito na magprisinta ng dalawang balidong ID at ang kanilang winning ticket.
Paalala rin ni Robles, sa ilalim ng Tax Reform for Acceleration and Inclusion law, ang lahat ng lotto winnings na mahigit sa ₱10,000 ay papatawan ng 20-percent final tax.Ang mga premyo naman aniya na hindi makukubra matapos ang isang taon ay mapo-forfeit at otomatikong mapupunta sa kawanggawa.
Ang Super Lotto 6/49 ay binobola tuwing Martes, Huwebes, at Linggo
