Apat na katao na umano'y sangkot sa iligal na pagbebenta ng GCash accounts ang arestado sa serye ng mga operasyon na isinagawa ng mga ahente ng National Bureau of Investigation-Cybercrime Division (NBI-CCD).

Sa isang pahayag, kinilala ng NBI ang mga naaresto na sina Raul D. Malabon, Jerrica T. Sarmiento, Matthew Daniel Torres, at Alexis B. Alviento na pawang kinasuhan ng mga paglabag sa Republic Act No. 8484, ang Access Devices Regulations Act of 1998, kaugnay ng RA 10175, ang Cybercrime Prevention Act of 2012.

"Ang serye ng mga operasyon ay nagmula sa impormasyon na ang ilang indibidwal ay nasa talamak na pagbebenta ng GCASH accounts sa pamamagitan ng Facebook," anang NBI sa sinalin nitong pahayag.

Sinabi nito na "isang serye ng online surveillance na isinagawa ng NBI-CCD ay nagsiwalat na ang mga Facebook account na 'Principe Larjay,' 'Jerrica Sarmiento,' 'Francis Lucas,' at 'Sixela Alviento' ay talagang nagbebenta ng GCash accounts."

National

Romina, patuloy na kumikilos pahilaga; hindi na nakaaapekto sa Kalayaan Islands

Sinabi nito na unang naaresto sa Bulacan ay sina Malabon, na napag-alamang nasa likod ng Facebook account na “Principe Larjay,” at Sarmiento na nasa likod ng account na “Jerrica Sarmiento.”

Si Torres, “na nabisto sa likod ng Facebook account na ‘Francis Lucas,’ ay inaresto sa Pasay City, habang si Alviento, “na nasa likod ng account na ‘Sixela Alviento’” ay inaresto sa Maynila.

Ang GCash ay isang mobile payment service na nagbibigay-daan sa isang tao na magbayad ng mga bill, bumili ng mga produkto at serbisyo, at kahit na magpadala o tumanggap ng pera. Maaari itong ma-download at mai-install sa mga smartphone.

Noong nakaraang Mayo 11, iniulat ng Manila Bulletin na "sa kabila ng pagtaas ng mga hindi awtorisadong transaksyon na iniulat ng mga gumagamit ng GCash, ang platform mismo ay hindi nakaranas ng paglabag sa system."

"Nananatiling buo ang seguridad ng GCash, at ang mga isyu ay tila nagmumula sa dulo ng mga gumagamit sa halip na sa platform," sabi ng ulat.

Sinabi rin ng ulat: “Investigations reveal that users are falling victim to highly sophisticated phishing scams. These scams involve fraudulent websites designed to look identical to the real GCash login page, tricking users into willingly submitting their sensitive information.”