Usap-usapan ngayon ang pag-alma at patutsada umano ng kapatid ni Queen of Hugot Songs Moira Dela Torre sa inilabas na bagong music video ni Jason Marvin Hernandez, estranged husband ng kaniyang kapatid, matapos isama rito ang ilang video clips ng kanilang kasal.

Ang naturang music video ay may pamagat na "Ikaw Pa Rin" na tila nagtatampok sa kaniyang "mystery girl" na ilang beses niyang flinex sa social media, subalit hindi pa kita ang mukha.

At sa kaniyang music video ay nakita na nga mismo ang mukha nito, na isang beses lamang ipinakita.

Ang ilan sa mga litrato nito na una na niyang ipinakita sa Instagram stories niya ay makikita sa naturang music video.

National

50.78% examinees, pasado sa Nov. 2024 Licensure Exam for Agriculturists

At ang nakakaloka rito, may ilan pang clips mula sa wedding nila ng estranged wife na si Moira Dela Torre ang kabilang sa naturang music video.

Ibig bang sabihin nito, dedicated ang kanta para kay Moira at siya pa rin ang mahal niya?

Narito ang ilan sa mga reaksiyon at komento ng netizens na mababasa sa comment section ng mismong music video.

"Huwag sana nating ilagay ang pressure kay Moira after listening to Jason's song. If you want to win her back ipakita mong nagbago ka na, yung better version mo. Pray to God after all, kung kayo talaga the universe will conspire to make it happen."

"Grabe nakakaiyak, really praying na magkabalikan kayo kasi si Jesus ang Lord n'yo! Win her back plssssssss mag-asawa kayo, iisa kayo! At Kristiyano kayo. Super ganda ng song."

"I don't know why I'm teary-eyed after watching the video. I was kind of mad at Kuya Jason because of those pictures he posted in his story. But after watching this, I think Kuya Jason deserves a second chance. I know hindi batayan porke't ginagawan ka lang ng kanta eh patawarin mo na siya, pero... ewan basta na touch ako sa kanta."

BASAHIN: ‘Ikaw pa rin!’ Jason may pasilip na sa fez ni ‘mystery girl, music video para kay Moira?

So ang tanong ngayon ng bayan: batay sa lyrics ng kanta, humihingi ba si Jason ng second chance para sa kanila ni Moira?Open naman kaya si Moira na makipagbalikan sa kaniyang estranged husband?

Bagama't wala pang direktang tugon, reaksiyon, o pahayag si Moira dito, ang kapatid naman daw niyang si J'mee dela Torre ang pumalag para sa kaniya, sa pamamagitan daw ng kaniyang tweets.

Mababasa raw sa tweets, "Nakakatawa 'yung buong song, especially 'yung part na 'naghihintay pa rin hanggang ngayon sa ikaw at ako.' Kasi parang sa buong year never ka naman nag-effort sa ate ko??? never ka din nag-effort sa family namin before and after kayo maghiwalay. like???"

"Naiirita lang ako kasi ang layo talaga ng mga pinagsasabi mo sa lyrics ng kanta mo. Why do you need to manipulate people into thinking that you still love and miss her? Like WTF? Ang layo talaga."

"Tapos ginamit pa 'yung video clips from the wedding, concerts and the Tagpuan MV–WITHOUT my ate's permission? lMAO forda clout chasing. Amp! You're getting too desperate and it's kinda funny lol."

Ngunit kung titingnan ngayon ang Twitter account ng sinasabing kapatid ni Moira, hindi na ito nag-eexist at mukhang nag-deactivate o nag-delete na ng account, as of May 25, 12:22 ng tanghali.

Hindi rin makikita rito ang kaniyang pinag-usapang tweets; subalit huli na dahil na-screenshot na ito ng mga netizen at naipakalat na sa social media. Nadampot na rin ito at naulat na rin ng iba't ibang pahayagan online.