Sa ulat ng Department of Health (DOH) nitong Lunes, Mayo 22, nasa kabuuang 12,426 na bagong kaso ng Covid-19 ang naitala nitong nakaraang linggo na may average na 1,775 impeksyon kada araw.
Sa pinakahuling bulletin nito, ibinunyag ng DOH na ang tally ng mga bagong kaso ng Covid-19 ay mas mataas ng 0.1 porsyento kumpara sa mga naitalang kaso mula Mayo 8-14, 2023.
“Sa mga bagong kaso, 87 sa mga ito ang may malubha at kritikal na karamdaman. Samantala, [meron] namang naitalang 13 na pumanaw kung saan 1 ay naganap noong May 8 hanggang 21," ani DOH.
Sa kabila ng pagbaba ng World Health Organization (WHO) sa Covid-19 global health emergency, hinihimok pa rin ng DOH ang mga Pilipino na huwag maging kampante sa banta ng virus.
Empleyadong lasing, patay matapos sapakin ng ginising na katrabaho
“Magsuot ng best-fitted face mask at kung maaari, manatili sa well-ventilated na mga lugar. Sa oras na makaramdam ng sintomas, agad na mag-isolate,” dagdag nito.
Charie Mae Abarca
