"Basta meron tao na hindi matanggap ang magandang kapalaran ng kahit sino, nagiging questionable ang lahat."
Ito ang pahayag ni Lolit Solis nang batikusin umano si Michelle Dee sa pagkapanalo niya sa Miss Universe Philippines kamakailan.
"Ayos na sana Salve ang panalo ni Michelle Dee kundi lang nandiyan na naman mga bashers na talagang lagi na ay poor losers sa anuman laban," ani Lolit sa kaniyang Instagram post nitong Miyerkules, Mayo 17.
"Basta meron tao na hindi matanggap ang magandang kapalaran ng kahit sino, nagiging questionable ang lahat," dagdag pa niya.
'Hindi DEE-serve?' Michelle Dee, pinagtataasan ng kilay bilang MUPH 2023
Sey pa niya, maganda raw ang ipinakita ni Dee sa MUPH at ang confidence nito ang talagang nagdala raw sa kaniya.
"Maganda ang ipinakita ni Michelle Dee, iyon confidence niya ang talagang nagdala sa kanya, at dahil iyon sa good education. Iyon ang dapat laging nasa utak natin, sabi nga ni Boy Abunda, iyon ang tanging yaman ng bawat tao," ani Lolit.
"Totoong bukod sa ganda, kailangan din ng bawat tao ang laman ng utak para mag succeed. Hindi puwedeng ganda lang, dahil kumukupas iyon, ang talino hindi mawawala hanggang pagtanda," dagdag pa niya.
Sa dulong bahagi ng kaniyang post, wala na raw magagawa ang mga basher dahil "uwian na, meron nang nanalo."
Kaya naman buong buo ang hawak ni Michelle Dee, ganda at talino. Wala ng magagawa pa ang iba. Uwian na, meron ng nanalo, bongga!"
Matatandaanghati ang reaksiyon, komento, at saloobin ng mga netizen at beauty pageant fans sa pagkapanalo ni Michelle.
Sa pagkapanalo pa lamang ni Dee ng “Best in Evening Gown” ay napapatanong na ang netizens kung bakit siya raw ang nanalo, gayong may ilang mga kandidatang mas magaganda at jaw-dropping pa raw ang pagrampa suot ang kanilang evening gown.
